miércoles, 28 de septiembre de 2011

XA ESTAMOS TODOS!

Sííí! Chegou o gran día! Hoxe, por fin, estivemos todos os nen@s na clase de 3 anos. Somos 10 nenos e 7 nenas e despois dun tempiño de adaptación xa estamos preparados para comezar a nosa vida académica no cole de Sobrada. Cantas sorpresas nos esperan!
 UN RESUMO EN IMAXES DO QUE DEU DE SÍ ESTE TEMPO DE ADAPTACIÓN Á ESCOLA


ESTES SOMOS NÓS:

lunes, 26 de septiembre de 2011

BAILANDO CON COCO

Moito nos divertimos no día de hoxe bailando con COCO. Lembrades cantas cousas nos ensinaba naquel famoso programa chamado BARRIO SÉSAMO?  Hoxe aprendeunos a bailar. Menudo ritmo ten! Dádelle ó play e a mover todo o corpo!
video
PICA NA IMAXE PARA BAILAR!

viernes, 23 de septiembre de 2011

miércoles, 21 de septiembre de 2011

COMEZAMOS APRENDENDO AS NORMAS DA ESCOLA

Imos comezar a nosa nova andaina no cole coñecendo e aprendendo os hábitos do mesmo. Non podemos esquecer que somos moitos nenos e nenas e que temos que aprender certas normas para facer a nosa convivencia máis sinxela. Cousiñas como aprender a ir en fila, a escoitar aos demáis sen molestar, a sentarnos correctamente na cadeira da aula, a lavarnos as mans antes de merendar e despois de xogar ca area, a ordear os xoguetes despois de xogar, etc.

Aquí vos deixo este divertidísimo twist das normas do cole!

lunes, 19 de septiembre de 2011

jueves, 15 de septiembre de 2011

3º DÍA DA ADAPTACIÓN

Neste terceiro día da adaptación visitaron a aula GISELA, ALEXIA, ÓSCAR, NOÉ e HUGO (de 10 a 11:30 horas) e FABIÁN, ARÓN, DESIRÉE e ANTONIO (de 12 a 13:30). Agora xa podemos dicir que TODOS os nen@s viñeron ó cole e ainda que a algún costoulle un pouquiño esta primeira toma de contacto, xa queda menos para que vexan a súa permanencia na aula con normalidade. É só cuestión de tempo.
Non vos perdades as fotos:

 

miércoles, 14 de septiembre de 2011

2º DÍA DA ADAPTACIÓN

Hoxe acudiron á aula outros seis peques valientes. Era o seu primeiro día na escola pero o levaron moi ben. Hai que ter en conta que separarse dos membros da familia, ainda que sexa por un anaquiño de tempo é dificil para os nen@s destas idades, pero día a día irán acostumándose aos espacios, adquirindo hábitos e afacéndose ás normas da aula. En definitiva, do que se trata é de que cheguen ao cole cheos de ledicia por ver aos seus compañeiros e con moitas gañas de aprender.
Primeiro recibimos a IRENE, GAEL, HUGO e NOÉ (de 10 a 11:30 horas) e despois a ANTONIO, ALEJANDRO E IRIA (de 12 a 13:30)
Estas son as fotos da xornada de hoxe:

 

martes, 13 de septiembre de 2011

1º DÍA DA ADAPTACIÓN

Hoxe foi o primeiro día de escola para os seis primeiros nenos/as dos 18 que forman a aula de 3 anos do ceip de Sobrada. Viñeron : NOÉ, TANIA E SILVIA de 10 a 11:30 e ANXO, AARÓN E ÁLEX C. de 12 a 13:30. Nese pouquiño tempo fixemos moitas cousas: coñecímonos un pouco, falamos, fixeron un debuxo, visitamos o cole dos maiores, aprenderon a facer unha fila ordenadamente e coñeceron a algúns mestres que lles impartirán clase. Foron uns campións!! Que ben se portaron! Velaquí tedes unhas fotos do primeiro día destes nen@s.


PSICOMOTRICIDADE EN 3 ANOS

Atención familias!!! Este ano, os peques de 3 anos terán unha hora de Educación Física (Psicomotricidade) todos os XOVES, polo que ese día deberán vir vestidos con chandal e zapatillas deportivas (preferiblemente de velcro).
Non o esquezades: "Para psicomotricidade facer, chándal deberás traer!"

domingo, 11 de septiembre de 2011

COMEZA UN NOVO CURSO!

Chegou o momento de comezar unha nova etapa, un novo curso escolar que, para moitos dos nenos e nenas que me acompañarán a partir de agora, supón o primeiro contacto coa escola. Acostumarse a unha rutina, persoas e un ámbito diferente será máis dificil para uns que para outros pero estou segura de que, en pouco tempo, estarán perfectamente adaptados á escola, ós compañeiros e aos mestres que lles darán clase. Viviremos experiencias inolvidables e pasarémolo en grande!

BENVIDOS Á AULA DE 3 ANOS!

Lembrade que dende o día 13 ata o 27 de setembro o alumnado de 3 anos participará nun PERIODO DE ADAPTACIÓN e acudirá á escola nas datas sinaladas para cada un deles/as.
Estas datas podedes consultalas na pestaña do blog "Periodo de Adaptación".

A partir do día 28 virán xa TODOS en horario normal de 9 a 14 horas.