ACTUACIÓN NO FESTIVAL

O día 1 de xuño celebramos o FESTIVAL DAS LETRAS GALEGAS, no cal participan todos os ciclos cunha actuación. No que respecta a Infantil, os peques de 5 anos prepararon unha fantástica representación baseada no conto: "Todas as cores do arco da vella" sobre a multiculturalidade e as distintas razas e para rematar, todo os nen@s (os peques de 3, 4 e 5 anos) cantaron a canción "VERMELLO VERMELLÓN" para lembrarnos que, a pesar das nosas diferenzas, todos temos o corazón da mesma cor. 

FESTIVAL COLE - diapositivas

Para os que non puidéchedes asistir aquí vos deixo a proba do ben que o fixeron. 

Temos ou non uns artistazos en infantil? 

 CANCIÓN: "A COR DO CORAZÓN" REPRESENTACIÓN 5 ANOS

DÍA DOS AVÓS EN SOBRADA!

O pasado mércores, 30 de maio, foi un día moi especial para todo o colexio: O DÍA DOS AVÓS. Grazas á proposta da asociación "ABUELOS PARA LA EDUCACIÓN" convidamos aos avós e avoas do noso alumnado a unha xornada no colexio para ofrecerlles unha merecidísima homenaxe. Quero agradecer especialmente a boa acollida da invitación por parte dos avós dos nen@s que, sin dubidalo, acudiron ese día sinalado ao noso cole agasallándonos coa súa presenza. Estiveron desde as doce ata as dúas e, nese tempo, tomaron un tentempié, disfrutaron cos debuxos que os seus net@s lles adicaron e o alumnado contoulles o conto titulado: "AVÓS". Para rematar bailamos e cantamos a canción "AL MUNDO ENTERO QUIERO DAR..." 

Encantounos celebrar con vós este día e esperamos repetilo!

  MOITÍSIMAS GRAZAS, AVÓS!

 

LIBERAMOS LIBROS!

O 28 de maio foi a data elixida no noso colexio para facer unha actividade de BOOKCROSSING, ou o que é o mesmo: LIBERAR LIBROS ou contos. Isto que quere dicir? Pois moi sinxelo. Trátase de fomentar a lectura en galego máis aló dos nosos muros e fíxose da seguinte maneira: Cada aula tiñamos asignados dous libros para liberar. Na nosa clase tocoulle esta tarefa aos dous Alejandros: ÁLEX I. e ÁLEX C. Eles levaron o conto para casa pero non para devolver ao colexio nuns días nin para quedarse eles co conto na casa, senón para que, unha vez lido, o deixasen nalgún lugar público onde outro nen@ o puidese atopar, lelo (ou que llo leran), e repetir a mesma operación: deixalo noutro lugar, como por exemplo: nunha cafetería, na sala de espera do médico, no ximnasio, no parque, noutra cidade se coincide que viaxaremos pronto...

Esperamos recibir novas das persoas, nenos ou nenas que atopen estes contos para saber ata onde puideron chegar e se lles gustou a actividade.

Xa vos contaremos!

Seguro que chegarán moi lonxe!

TRANSFORMAMOS A AUGA EN XEO!

Ainda que estes últimos días de maio estivemos moi atarefados co festival do colexio e as xornadas culturais, seguimos avanzando no noso proxecto sobre a auga. Esta vez centrámonos nos ESTADOS DA AUGA. Cando comezamos a investigar comprobamos como se forman as nubes facendo vapor de auga na clase: Era o estado gaseoso. Agora quixemos saber como se forma o xeo e para iso utilizamos AUGA, por suposto, unha cubiteira o o conxelador do cole grande. Enchimos a cubiteira con auga, levámola ao conxelador e á mañá seguinte... atopamos a auga dura e moi frrrríaa!!!

Era o ESTADO SÓLIDO da auga. 

Aquí tedes o video da actividade:

LINGUAXE DE SIGNOS PARA OS PEQUES!

A semana pasada puidemos contar coa presenza de dúas persoas excepcionais: TOÑO e RAQUEL, que viñeron a contarnos un conto na linguaxe de signos, que é a que utilizan os nen@s que non poden escoitar tan ben coma nós e precisan facer as letras coas mans para comunicarse. Mentres a profe contaba o conto, os nen@s puideron ver como Toño e Raquel transformaban esas palabras en linguaxe de signos. Ademais, ensináronnos a cada un como se di o noso nome, como se dan as grazas, como se saúda, e moitas outras palabras utilizando esta linguaxe. Pasámolo moi ben e aprendimos moito! MIL GRAZAS PARA ELES!!

LINGUAXE DE SIGNOS - foto montaje

A xoaniña Rosmona.

SUSA HERRERA, CANTACONTOS

O mércores tivemos unha visita moi especial, recibimos a SUSA HERRERA por cortesía da editorial EDELVIVES. Con Susa vivimos momentos máxicos: rimos, cantamos, soñamos, bailamos... de todo!  Descubrimos que os contos TAMÉN SE CANTAN!! Síí! Impresionounos a todos coa súa peculiar maneira de presentar aos distintos animais que podemos atopar no seu último traballo: "ANIMAIS ENCANTADORES", que vos recomendo desde aquí e... para que sexades testemuñas do ben que o pasamos con esta actividade aquí van unhas fotos e un video de Susa Herrera en plena acción cos peques. Xenial! Grazas, Susa!

CONTACONTOS DE KALANDRAKA

O mércores pasado, dentro do programa das Xornadas Culturais, recibimos á galega OLALLA GONZÁLEZ, escritora e contacontos e ó suízo MARC TAEGER, ilustrador. Ambos viñeron á nosa biblioteca por cortesía da editorial KALANDRAKA, de contos infantís, e pasámolo en grande con eles. Mentres Olalla contábanos varios contos (GARABANCIÑO), Marc ilustrábaos facendo debuxos que nos deixaron marabillados!

UN AGASALLO PARA A FAMILIA!

Como xa vos comentara, o pasado día 15 festexamos o DÍA DA FAMILIA. Todos os peques falaron das súas respectivas familias aos demais e lembramos, tamén, que o día 30 van a vir os seus avós para recibir unha merecida homenaxe! Para celebrar como é debido este día tan especial, unha semana antes da data comezamos a facer unha rá para agasallar cadaquén, a súa queridísima FAMILIA.
E traballando tanto como traballaron... así de bonitos quedaron estes "pisapapeis rás":

CONFERENCIA SOBRE MASCOTAS

Comezaron as XORNADAS CULTURAIS no noso cole, o cal quere dicir que durante a última quincena de maio, no cole grande recibimos a persoas que veñen a ofrecernos algunha charla, conferencia u obradoiro interesante. O pasado martes, Valeria e Javi, viñeron a falarnos (a todos os ciclos) do COIDADO DAS MASCOTAS, centrándose sobre todo no coidado dos cans: cando lle debemos dar de comer e beber, como sacalo a pasear, como tratalo... Aquí vos deixo algunhas fotos da conferencia e se visitades o blog do cole poderedes ver un video da charla.

CONFERENCIA: "ADOPTA A UNA MASCOTA" - diapositivas

A AUGA EN ÁFRICA: VISITA DE MARCOS E MONTSE

O xoves, día 10 de maio, tivemos a gran sorte de recibir a MARCOS e a MONTSE, unha parella amiga que hai poucos meses estivo de safari por ÁFRICA. Alí puideron ver de cerca ós animais salvaxes e exóticos do lugar e convivir con tribus coma a dos MASAIS. 

Tamén foron testemuñas directas da escasez de auga que exite en África debido ao excesivo calor e ao pouquiño que chove.  Contáronnos o uso que alí faise da auga, como fan para racionala, para bañarse, para ir a recoller auga, para lavar os platos, etc. Ademais, na súa estancia en Kenia, visitaron a escola da tribu Masai, as súas casas, faláronnos dos seus costumes e trouxeron moitas fotos, co cal a súa charla resultou interesantísima para os nen@s.

ÁFRICA: MARCOS E MONTSE - diapositivas

A continuación, déixovos coa selección de fotos da súa viaxe que eles fixeron para mostrarlle aos nen@s:

Non teño palabras para agradecer toda a súa boa disposición para vir á nosa aula a ofrecernos esta marabillosa conferencia! GRACIÑAS, de corazón!!

15 DE MAIO: DÍA DA FAMILIA

Este día foi proclamado pola Asamblea Xeral das Nacións Unidas no ano 1993 como medio para crear conciencia acerca das cuestións relacionadas coa familia.

A familia é un dos vínculos afectivos máis poderosos. É o elemento máis importante da sociedade humana, onde os nen@s crecen e son educados, onde deben recibir amor, coidados e protección, ademais dunha formación integral coma seres humanos. Porque a FAMILIA, en todas as súas formas, é o máis importante que temos e debemos coidala e mimala SEMPRE, aquí vos deixo unha receita que atopei no blog DÍAS DE COLE, que me gustou moito:

FELÍZ DÍA, FAMILIAS!

FACENDO SONS COA AUGA

No seguinte video, unhas mulleres africanas utilizan marabillosamente as súas mans para facer música e sons coa auga do mar. Ademais, cantan bailan ao ritmo dos seus sons!  IMPRESIONANTE!! Invítovos a que os vexades:

 Nós quixemos imitalos na aula cos medios dos que dispomos, claro!, e fixemos soar a auga utilizando varios instrumentos: unha botella, as nosas mans, soplido con palliñas...

Que ben o imos pasar este verán cando nos bañemos no mar!!

Disfrutamos un montón xogando ca auga!

A QUE CHEIRA A AUGA?

Avanzando un chisquiño máis nas nosas investigacións sobre a auga, intentamos dar resposta a esta pregunta: "A QUE CHEIRA A AUGA?". Para non estar condicionados polo sentido da vista e usar só o noso naríz, nada mellor que tapar os ollos cun pano e intentar adiviñar a que cheiran certas cousas: os bós cheiros, os cheiros "raros" e aquilo que "non cheira". Que será? Será a AUGA a que "non cheira"?

FLOTACIÓN: NA AUGA TODO FLOTA?

A semana pasada, enchimos unha caixa grande de auga e fixemos experimentos de flotación. Preguntabámonos se todas as cousas podían flotar ao botalas na auga ou se, pola contra, afundirían...

FLOTACIÓN - foto montaje

Novamente, "probando" e "facendo" chegamos a máis conclusións sobre o tema da auga:

FACEMOS UN XILÓFONO COA AUGA

Cada día descubrimos máis cousas sobre a auga. Despois de coñecer que non ten cor nin sabor, quixemos investigar sobre si a auga podía soar. Houbo distintas opinións, algúns dicían que sí pero só na praia porque as olas do mar fan un bonito e relaxante son e outros dicían que non porque a auga se estaba quieta non soaba e... pensando, pensando.... ocurríuxenos facer un pequeno XILÓFONO DA AUGA.