sábado, 18 de enero de 2014

TEÑO QUE DECIDIRME

Antes das vacacións de Nadal, houbo un martes que choveu moito e non puidemos ter talleres. Entón, a profe Susana e mais eu decidimos facer unha actividade cooperativa cos nenos. Foi unha especie de xogo que comezou coa narración dunha historia que lles contou a nosa profe de educación física sobre uns rapaces que ían de excursión ao Monte Aloia pero que, no camiño, atopáronse con serios problemas... Este conto foi o punto de partida para que fosen eles precisamente os que resolveran eses problemas: primeiro de xeito individual e despois en equipo. Así, chegaron a unha conclusión moi sabia e interesante: CANDO TRABALLAMOS EN EQUIPO AXUDÁMONOS E TOMAMOS AS DECISIÓNS AXEITADAS
Pero para coñecer mellor todo o que sucedeu nesas dúas proveitosas sesións, só tedes que darlle ao "play" dos videos. Como pensan estes nen@s!

DINÁMICA TEÑO QUE DECIDIRME from CADERNO DE PEQUECHOS on Vimeo.


CONCLUSIÓNS TEÑO QUE DECIDIRME from CADERNO DE PEQUECHOS on Vimeo.

1 comentario: