MAGOSTO EN SOBRADA!

Este venres, por fin, festexamos o MAGOSTO!! Ó final, tivemos que facelo no patio do colexio porque o tempo, neste mes de outubro que está a piques de rematar, non se portou moi ben con nós e con tanta choiva non puidemos ir ao monte Aloia pero non nos importou porque disfrutamos un montón!!
Despois de degustar as deliciosas castañas aportadas polas familias, a profe Rosa preparou uns xogos divertidisimos para tod@s. Aquí vos deixo o video do magosto dos pequechos e de como fixeron o recipiente para as castañas! (Lembrade que nos vindeiros días, tamén colgaremos o video do magosto xeral no blog do colexio, así que non deixedes de visitalo!)

 A FESTA DO MAGOSTO NO COLE: PREPARANDO A CAIXIÑA PARA AS CASTAÑAS:

CONTA COMIGO: VISITA DA MAMÁ DE ANTONIO!

Hoxe recibimos a visita de DELY, a mamá de Antonio, que viu á nosa clase a contarnos un conto chulísimo de WINNIE THE POOH, que lles gustou moitísimo aos pequechos. Pasámolo pipa con ela e dende aquí agradecerlle, por suposto, a súa colaboración e participación na actividade! 

GRACIÑAS, DELY, POR PARTICIPAR NO CONTA COMIGO!

CONTA COMIGO MAMI ANTONIO - foto montaje

DIA DAS BIBLIOTECAS ESCOLARES

Hoxe, como cada 24 de outubro, celebramos o DÍA DAS BIBLIOTECAS ESCOLARES  e, como non, visitamos a nosa biblioteca onde a profe Lucía contounos un conto precioso titulado "LA BIBLIOTECARIA DE BASORA" baseado nunha historia real que sucedeu en Irak: A historia de Alia Muhammad Baker, unha bibliotecaria que loitou por salvar o valioso fondo da biblioteca durante a invasión de Irak e que nos lembra que, no mundo enteiro, o amor pola literatura e polos libros non teñen fronteiras.

Ademais, o noso AXEXO, a mascota da biblioteca, fíxonos un agasallo para levar na nosa carpeta cada fin de semana: un boletín con información sobre a biblioteca!!

Aquí vos deixo a narración do conto e as fotos da sesión de hoxe na biblio.

DÍA DAS BIBLIOTECAS ESCOLARES - foto montaje

VIDEOS DE SAMAÍN

CHEGANDO O SAMAÍN...

Xa sabedes que estase achegando a noite de SAMAIN, a festa celta das cabazas e a noite máis TERRORÍFICA do ano!!, o 31 DE OUTUBRO. Para que coñezades un pouco mellor esta festa déixovos uns links interesantes. Son os seguintes:

 VIEIROS DA ESCOLA
WIKIPEDIA - SAMAIN

CULTURA GALEGA

E aquí van uns recursos e xogos divertidos sobre o tema que atopei na rede para que xoguedes na casa! Premede nas imaxes!

COLOREA CABAZAS

DISFRÁZATE NO SAMAÍN

LIM CEIP DE PAZOS 

LIM CEIP JUAN FERNÁNDEZ LATORRE

 

XOGANDO E APRENDENDO COAS NOVAS TECNOLOXÍAS

Un pequeno fragmento dunha clase na aula de audiovisuais empregando a pizarra dixital. Divertímonos moito cos xogos do corpo!

TRABALLO COOPERATIVO: A SILUETA (2ªparte)

Aquí tedes a 2ª entrega da dinámica de cohesión grupal: A SILUETA. Fíxose esperar porque son moitos peques e ainda non acabamos! Nesta ocasión os nen@s fixeron a silueta de GAEL, SILVIA, ALEJANDRO, BRUNO e ÓSCAR. Cada neno/a da clase foi aportando unha opinión sobre o compañeiro ao que se lle fixo a silueta. Escribimos todas as aportacións e así de chulas quedaron. (Non esquezades dárlle á pausa para lelas) Proximamente a 3ª entrega!! 

CONTA COMIGO: VISITA DA MAMÁ DE DESIRÉE

Hoxe tivemos a 2ª sesión do "CONTA COMIGO", a actividade que trae cada semana á nosa aula a un familiar dos pequechos. Nesta ocasión recibimos a NURIA, a mamá de Desirée, que nos contou o conto dos 3 porquiños! Para agradecerlle a súa visita agasallámola cun diploma. Que ben o pasamos! 

MOITÍSIMAS GRAZAS, NURIA, POR PARTICIPAR NO "CONTA COMIGO"!! 

CONTA COMIGO MAMI DESIRÉE - foto montaje

DEBULLANDO MILLO...

Desde hai uns días estamos decorando a nosa aula acorde coa época de outono que estamos a vivir. Para axudarnos na decoración, IRIA trouxo a clase follas de carballo, de nogueira e ata espigas de millo!

Estivemos estudando todo o que trouxo e tivemos a gran sorte de que nos explicara xunto con ANXO, como é o proceso de debullar millo. Aprendimos un montón!

Menudos pequemaestros temos na nosa aula! 

CUMPLE DE SILVIA!

Hoxe, 14 de Outubro, é o aniversario de SILVIA, que cumple 4 anos nada menos! O pasado xoves celebrámolo con ela todos xuntos na clase: soplou a súa vela, cantámoslle, tirámoslle das orellas,...Foi unha festa en toda regla! Ela trouxo caramelos para tod@s!!!

 MOITÍSIMOS PARABÉNS, SILVIA, NO TEU DÍA! 

CUMPLE SILVIA - presentacion imagenes

CONTA COMIGO: VISITA DA MAMÁ DE SILVIA

Hoxe comezamos unha nova actividade de animación á lectura. Chámase "CONTA COMIGO" e consiste en que algún familiar de cada peque da nosa clase veña durante un rato a contarnos un conto. Nesta ocasión visitounos ANA, a mamá de Silvia e ademáis tivemos a gran sorpresa de ver a CARLA, a súa irmanciña pequena. Contounos un conto de Pinocho moi especial e pasámolo moi ben! 

MOITÍSIMAS GRAZAS ANA POR PARTICIPAR NO "CONTA COMIGO"

CONTA COMIGO MAMI SILVIA - foto montaje

PIZARRA DIXITAL

Esta semana visitamos a "pizarra máxica" para xogar e divertirnos cos xogos interactivos sobre o corpo humano.

PIZARRA MÁXICA - foto montaje

CUMPLE DE ÓSCAR!

Hoxe, 8 de outubro, ÓSCAR cumpliu 4 anos! Trouxo caramelos para os peques e quixemos festexalo como se merece. Cantámoslle, tirámoslle das orellas e ata soprou a vela e pediu un desexo, como non!! Pasámolo xenial!

PARABÉNS ÓSCAR!

CUMPLE OSCAR - foto montaje

PINCELADAS DO NOSO CORPO

Con pinceis e témperas, os pequechos representaron o seu corpo nunha folla de papel. Este foi o resultado:

UN ESQUELETE DIVERTIDO

A pasada semana, seguindo co noso estudo do esquelete, e tendo en conta ademais que estamos achegándonos á data de Halloween e o Samaín, quixemos facer un esqueleto doutro xeito, con PASTA ITALIANA!! Valía todo: fideos, macarróns, lacitos... Botamos cola branca nunha cartolina negra e sobre ela intentamos xuntar os "ósos" para contruir un estupendo esquelete, e aquí tedes a proba do bonitos que nos quedaron.

 TERRORÍFICAMENTE DIVERTIDOOOO!!

MÁIS XOGOS E RECURSOS DO CORPO

Fai clic nas imaxes! 

O CORPO POR DENTRO

ENCICLOPEDIA CORPO HUMANO

CONSTRUIR CARAS CON VERDURAS

XOGO DO CORPO POR NIVEIS

BAILAMOS NOMEANDO AS PARTES DO CORPO

NON ESQUEZADES ASISTIR!