lunes, 30 de diciembre de 2013

PAPÁ NOEL CHEGA A SOBRADA!

A estas alturas, en moitas das vosas casas haberá indicios do paso de Papá Noel na noite do 24 de decembro... Pero en Sobrada tivemos a sorte de recibilo antes! O día 20 apareceu con Rudolf e o seu trineo cargadiño de caramelos e cun buzón enorme para recoller as cartas que os pequechos lle tiñan preparadas! Foi emocionante velo chegar e quedamos encantados coa súa visita! Que boíño é Papá Noel e que ben se porta con nós! 
VISITA PAPÁ NOEL from CADERNO DE PEQUECHOS on Vimeo.

VISITANDO A EXPOSICIÓN DE INVERNO!

Na última semana de cole, antes das vacacións de Nadal, e despois de ter escoitado a todos os nenos e nenas que confeccionaron coas súas familias cadanseus espectaculares traballos para a EXPOSICIÓN DE INVERNO, fomos visitala para coñecer outros traballos feitos polo alumnado e familias do colexio. Quedamos abraiados das cousas que se fixeron, uns traballos preciosos e todos, como sabedes, baixo a temática: "TECENDO UN MUNDO NA IGUALDADE" Gustáronnos moitísimo!

Exposición de inverno 2013: Tecendo un mundo na igualdade from ceip sobrada on Vimeo.

viernes, 20 de diciembre de 2013

TRABALLOS DAS FAMILIAS PARA A EXPOSICIÓN DE INVERNO!

Como todos os anos, por estas datas, pedimos a colaboración das familias unha vez máis, aportando traballos manuais feitos na casa con materiais de refugallo para a EXPOSICIÓN DE INVERNO baixo a temática do tema transversal que nos ocupa este curso: A EDUCACIÓN PARA A IGUALDADE DE OPORTUNIDADES ENTRE OS SEXOS. Teño que dicir que foron IMPRESIONANTES os traballos expostos! E para mostra, aquí tedes os que trouxeron na nosa clase máis unha explicación de cada neno/a sobre a súa confección.
 ALUCINANTES! MOITÍSIMAS GRAZAS, FAMILIAS!!
TRABALLOS FAMILIAS NADAL from CADERNO DE PEQUECHOS on Vimeo.

jueves, 19 de diciembre de 2013

ADORNOS DE BARRO PARA A ÁRBORE DE NADAL!

Nestes últimos días do trimestre, aproveitando que nos encanta xogar coa arcilla, manipulala e traballar con ela, fixemos uns adornos navideños para levar para casa e decorar a árbore de nadal. Primeiro amasamos o barro e utilizamos uns moldes navideños para darlles forma aos adornos. Cando secaron pintámolos e puxémoslles purpurina! Como nos gustou esta actividade! 
FIGURAS NAVIDEÑAS BARRO from CADERNO DE PEQUECHOS on Vimeo.

miércoles, 11 de diciembre de 2013

VEDOQUES DE NADAL!

Aquí vos deixo uns xogos da páxina VEDOQUE sobre o NADAL. Para xogar e divertirse nestas máxicas datas. Fai clic nas imaxes! 

http://www.vedoque.com/juegos/juego.php?j=NavidadVedoque


http://www.vedoque.com/juegos/navidad-divertida.html

domingo, 8 de diciembre de 2013

MANUALIDADES COA MAMÁ DE ANXO!

O pasado venres, día 5 de decembro, tivemos a gran sorte de recibir unha visita moi especial. BELÉN, a mamá de ANXO, viu a nosa clase para facer un taller de manualidades cos nen@s. Como estanse achegando as esperadas datas de Nadal, pensou en que cada nen@ fixera un bonito BROCHE DE PAPÁ NOEL e, explicándolles paso a paso o que tiñan que facer, mirade o resultado! Estes pequechos van a estar impresionantes con cadanseu broche na solapa este Nadal! 
 MOITÍSIMAS GRAZAS POR PARTICIPAR NA AULA, BELÉN E ENSINARNOS TANTAS COUSAS!  PASÁMOLO XENIAL!
 Compróbase, unha vez máis, a ARTISTA que levas dentro!
BROCHE PAPÁ NOEL from CADERNO DE PEQUECHOS on Vimeo.

domingo, 1 de diciembre de 2013

FERMOSAS ESCULTURAS!

Como estivemos traballando a ESCULTURA, esta semana fixemos varias cousas utilizando materiais como o barro ou a plastilina. Con barro fixemos adornos para a árbore de nadal, que están secando para podelos pintar. Con plasti fixemos esculturas imitando a JOAN MIRÓ, o escultor catalán. Mirade que bonitas lles quedaron!
ESCULTURAS PLASTILINA from CADERNO DE PEQUECHOS on Vimeo.

Ademais, ANXO trouxo unha escultura chulísima feita polo seu avó e ensinóunola a todos! Que preciosidade de carro!

HORA DE LER: SEGUIMOS CON CONTACONTOS!

Unha vez máis, esta semana pasada, tivemos a sorte de contar con máis nen@s de 3º para vir a contarnos contos á nosa clase durante a hora de ler que temos todos os días despois do recreo. Somos afortunados de contar en Sobrada con alumnado tan disposto a vir ás outras aulas a ler. 
MIL GRAZAS DE NOVO!!

jueves, 28 de noviembre de 2013

ELLOS TAMBIÉN PUEDEN!

Neste curso no que estamos traballando tanto a IGUALDADE DE OPORTUNIDADES ENTRE OS SEXOS e tamén o trato que fai a publicidade neste tema, multitude de anuncios, ainda hoxe,por desgracia reflexan un trato desigual. Por iso, gustaríame compartir con vós este anuncio dun deterxente que pode facernos reflexionar. Tamén vos deixo o anuncio de GADIS, que este ano ten connotacións feministas e está súper ben.
 

domingo, 24 de noviembre de 2013

TÉCNICA PICTÓRICA: SOPRIDO

Outra das técnicas que coñecimos traballando a PINTURA foi o "SOPRIDO". Consistiu en botar pintura nun papel e unhas gotas de auga sobre ela. Despois sopramos cunha palliña guiando o debuxo co noso soprido. Foi moi divertido e fixemos uns cadros preciosos!

A ESCULTURA EN DEBUXOS ANIMADOS

jueves, 21 de noviembre de 2013

DESCUBRIMOS A ESCULTURA CON LOUISE BOURGEOIS!

Hoxe comezamos a traballar a ESCULTURA seguindo co noso proxecto "IGUALARTE". Aparcamos un pouquiño a pintura para deixar paso a esta outra marabillosa disciplina artística que seguro dará moito de sí.
A primeira escultura que se lles pasou pola mente aos pequechos foi "O PENSADOR" de AUGUSTE RODIN, da que xa falaramos días atrás. Pero tamén o DISCÓBOLO DE MIRÓN e, facendo unha visita á nosa aula de audiovisuais preguntamos en internet acerca de si habría algunha muller escultora e POR SUPOSTO QUE SÍ!! MOITAS!!! Achegámonos virtualmente ao museo GUGGENHEIM de Bilbao para admirar varias obras que podemos atopar ás portas do museo: O can "PUPPY", a florida mascota creada polo artista JEFF KOONS. Pero ademais, alí atopamos unha araña xigante feita de aceiro, bronce e mármore por unha muller chamada: LOUISE BOURGEOIS.
Pertence a unha serie de arañas que fixo esta escultora francesa e que están ubicadas en distintas cidades do mundo: Hai unha en Londres, outra en Buenos Aires... A todas estas arañas las llamó "MAMÁ" (MAMAN en francés) xa que creounas en homenaxe a súa nai, que era tecedora. Chulísima verdade?

 

domingo, 17 de noviembre de 2013

SAÍDA AO TEATRO E AO MUSEO!

O pasado venres fixemos unha excursión a Vigo para acudir ao teatro Caixanova, onde os peques puideron disfrutar coa obra: "NUNCABUNGA". Despois fomos a merendar á alameda e, de seguido, cruzamos a rúa para participar nun obradoiro artístico e visitar o museo. Alí faláronnos das catro estacións do ano e escoitamos a música de Vivaldi, mentres admirábamos os cadros e esculturas que alí había. Ata recoñecimos un cadro de MARUXA MALLO! Pasámolo en grande!
 
TEATRO E MUSEO from CADERNO DE PEQUECHOS on Vimeo.

MÁIS CONTACONTOS!

Nas últimas semanas, tivemos a sorte de contar cuns contacontos moi especiais: os nenos e nenas de 3º. Por grupos, contáronnos dous contos moi chulos: "ORELLAS DE BOLBORETA" e "HANSEL E GRETEL". Gustounos moito a súa posta en escena e a súa boísima disposición e ganas! 
GRACIÑAS, NEN@S POR PREPARAR ESTES CONTOS PARA NÓS!

CELEBRAMOS O CUMPLE DE DANIEL

O mércores celebramos o aniversario de DANIEL, que o pasado domingo, día 10 de novembro, cumpliu 5 anos! Cantámoslle, tirámoslle das orellas, e disfrutamos un montón. Él agasallounos con caramelos para todos. 
MOITOS PARABÉNS, DANIEL! 

domingo, 10 de noviembre de 2013

VISITA A CAMELOT PARK!

Como disfrutaron os nenos e nenas de infantil o venres na saída que fixemos á ludoteca CAMELOT PARK en Vigo! Estaban moi nerviosos e felices de ter unha xornada no parque de bolas! Así a viviron os peques de 5 anos:

CAMELOT PARK from CADERNO DE PEQUECHOS on Vimeo.

RETRATAMOS A FRIDA KAHLO

No seguinte video poderedes ver como os pequechos, fixándose moi ben nun autorretrato da pintora mexicana, intentaron reproducilo con témpera sobre papel A3. Fixérono estupendamente! Impresionante como detectaron ata o máis mínimo detalle de FRIDA. Non teño palabras! Este foi o retrato que eles pintaron:


RETRATO FRIDA KAHLO from CADERNO DE PEQUECHOS on Vimeo.

jueves, 7 de noviembre de 2013

MARUXA MALLO: PINTORA GALEGA


Seguimos dentro do proxecto IGUALARTE, centrados na PINTURA. Da moito de sí e aos pequechos lles encanta. Esta semana coñecimos a outra gran pintora: MARUXA MALLO, que ademais era galega - de Viveiro (Lugo). Algúns nenos e nenas da nosa aula trouxeron información moi interesante sobre ela e agora xa sabemos que tivo trece irmáns sendo un deles escultor, estudou Bellas Artes en Madrid, onde coñeceu a artistas e escritores como DALÍ ou GARCÍA LORCA. Viaxou tamén a París e alí comezou a súa etapa SURREALISTA. Foi tamén mestra de pintura e cerámica e estudou matemáticas e xeometría para aplicalos na súa obra. 
Ten moitos cadros interesantes e pintou diversas temáticas:  ELEMENTOS DA NATUREZA (Algas, caracolas, estrelas de mar, uvas, follas, flores), RETRATOS DE DISTINTAS RAZAS, MÁSCARAS, VERBENAS. En moitas das súas obras pódense apreciar FORMAS XEOMÉTRICAS con claridad.
Igual que FRIDA KAHLO, foi unha loitadora polos dereitos das mulleres e pola IGUALDADE e así o reflexaba nas súas obras.


Algúns videos interesantes sobre a súa vida e obra son os seguintes:

domingo, 3 de noviembre de 2013

BRUXA PIRUXA POLO SAMAIN!

Nos días previos á terrorífica noite de Samaín, cada neno/a trouxo unha cabaza da casa para decorala na clase. Nesta ocasión decidimos facer unhas BRUXAS PIRUXAS, para o cal utilizamos cartolina negra, témpera verde, alkil, plastilina branca, vermella e negra. Así de chulas lles quedaron aos pequechos!
BRUXA PIRUXA from CADERNO DE PEQUECHOS on Vimeo.

Despois festexamos o SAMAÍN na aula pintándonos a cara, prendendo candeas arredor das bruxas e degustando un delicioso PASTEL DE CABAZA por cortesía da avoa de ÁLEX C.
MOITÍSIMAS GRAZAS POLO PASTEL. ESTABA RIQUÍSIMO!!

MAGOSTO EN SOBRADA!

O pasado mércores, día 30 de outubro, celebramos por fin o MAGOSTO no noso cole! Despois de tanto esperar para que non chovera e poder ir ao Monte Aloia, ao final tivemos que facelo no patio do colexio pero non nos importou porque o pasamos... FENOMENAL!! As castañas estaban deliciosas e despois de degustalas tivemos unha xornada de xogos populares organizada pola profe Rosa na que o pasamos xenial!! Agradecer desde aquí a colaboración que, coma sempre, obtemos das familias aportando castañas para asar, piñas, pico e carozos para o magosto. GRACIÑAS! 
 
MAGOSTO 5 ANOS from CADERNO DE PEQUECHOS on Vimeo. ASÍ FIXEMOS A NOSA CAIXIÑA PARA AS CASTAÑAS:

UNHA BRUXA MOI ORIXINAL!

Fixádevos que fermosura de bruxa trouxo ÁLEX I. Fíxoa con MABEL, a súa mamá, e tiveron a amabilidade de traela á nosa clase para que adornara nestes días de Samaín!! Impresionante!! Menudos artistas!! Sabedes con que fixeron o corpo da bruxa? Sí, sí.... nada menos que cunha fregona!! Xenial!! Non lle falta detalle!
MOITÍSIMAS GRAZAS POR ESTA ACHEGA!!

ENCÁNTANOS TER A ESTA SÚPER BRUXA CON NÓS!

miércoles, 30 de octubre de 2013

CONTA COMIGO: VISITA DO PAPÁ DE SILVIA!

Hoxe tivemos a sorte de recibir na nosa clase a MIGUEL, o papá de SILVIA que, moi amablemente, ofreceuse a contarlles uns contos aos pequechos. Viu acompañado da irmanciña de Silvia: CARLA e puidemos comprobar o grandiña e bonita que está! Dentro de nada estará correteando pola clase porque o tempo pasa...voaaaando!
Pasámolo moi ben con esta visita e SILVIA e TANIA (a súa prima) estaban ilusionadísimas! Miguel contounos dous contos de animais que lles encantaron!!
MOITÍSIMAS GRAZAS POR VIR, MIGUEL, E FACERNOS PASAR UN RATO TAN XENIAL!!

domingo, 27 de octubre de 2013

A BRUXA REGAÑADENTES

Achegándose a noite de SAMAÍN, un conto moi apropiado pode ser este: A BRUXA REGAÑADENTES.

RECURSOS PARA SAMAÍN



XOGA A FORMAR PARELLAS (fai clic na imaxe)

CREA MONSTRUOS (fai clic na imaxe)

PINTA UNHA CABAZA (fai clic na imaxe)

UN CONTO PARA SAMAÍN

O xoves desta semana, ANXO trouxo dous contos preciosos feitos por él maila súa mamá. Un sobre un muíño e unha cascada e outro sobre unha cabaciña e un espantallo chamado PEPÍN. Hai que ver a imaxinación e arte que tivo esta familia para facer uns contos tan divertidos! Pasámolo xenial e ademáis con marionetas!!! Unha pasada!!
MOITÍSIMAS GRAZAS, BELÉN E ANXO, POR AGASALLARNOS CON ESTE CONTO TAN ORIXINAL!

ÁRBORE DE OUTONO

Hai unhas semanas estivemos preparando unha árbore grande para decorar o noso percheiro. Con papel de embalar, papeis de xornais e témperas, fixemos entre todos unha fermosa árbore de outono que, segundo vaiamos achegándonos a outras épocas do ano, encherémola de follas, flores e froitos. De momento, como estamos en outono, fica coas pólas peladas. Mirade canto traballamos no recanto da pintura!
ARORE DE OUTONO from CADERNO DE PEQUECHOS on Vimeo.

lunes, 21 de octubre de 2013

CONTACONTOS: VISITA DE ANDREA, A IRMÁ DE TANIA!

Hoxe recibimos unha visita moi especial e moi esperada na biblioteca do noso cole. ANDREA, a irmá de TANIA e prima de SILVIA viu acompañada de NOA e MARTA para contarlles un conto aos pequechos da nosa clase! Entre as tres, que cursan 3º de primaria no noso cole, contáronnos o conto: "RATO DE CAMPO E RATO DE CIDADE" e fixérono estupendamente! Marabilloso!
MOITÍSIMAS GRAZAS POR FACERNOS ESTE AGASALLO, CHICAS!
PASÁMOLO PIPA COA VOSA VISITA!!!

domingo, 20 de octubre de 2013

CARICATURA DOS ROLES DE XÉNERO

Para reflexionar...

ENTREVISTAMOS A FRIDA KAHLO!

Parece imposible, verdade? Pois sí, o pasado xoves entrevistamos a FRIDA KAHLO!! Como o fixemos? Moi sinxelo: usando a imaxinación! O noso compi HUGO prestouse a ser FRIDA durante uns minutos mentres os demais lle facían preguntas sobre a súa vida e obra. Aquí tedes un anaco da entrevista:
ENTREVISTA A FRIDA KAHLO from CADERNO DE PEQUECHOS on Vimeo.

sábado, 19 de octubre de 2013

WOMEN IN ART

Mirade que video máis fantástico! 500 anos de mulleres retratadas. Fermoso! 

COMPOSICIÓN E DESCOMPOSICIÓN DE NÚMEROS


Estamos repasando os números e utilizando as REGLETAS para comezar a realizar operacións de cálculo dun xeito manipulativo. As REGLETAS CUISSENAIRE son un material matemático para que os nenos/as aprendan a composición e descomposición dos números. Son 10 con tamaños e cores diferentes e cada regleta equivale a un número determinado. Con elas aprendimos a chegar a un número utilizando diferentes composicións de regletas. 
Pasámolo moi ben!   
XOGANDO COAS REGLETAS from CADERNO DE PEQUECHOS on Vimeo.

Na casa tamén podes xogar a compoñer e descompoñer números coas regletas. Aquí vos deixo unha ligazón á páxina de regletasdigitales (Fai clic na imaxe).

jueves, 17 de octubre de 2013

FIXEMOS AS PALOMITAS!

Onte, BELÉN a mamá de ANXO, deixounos de novo a súa "palomitera". Lembrades que cando degustamos os froitos de outono non puidemos facer as palomitas porque algo fallou?. Pois foi un erro da profe, como non! Prendín o aparello antes de botar o millo e ten que facerse ao revés. Por sorte, repetimos a experiencia e desta vez saíu ben. Esperamos pacientemente e comprobamos como o millo transformábase en palomitas!! Xenial! Estaban RIQUÍSIMAS!!! 
MOITÍSIMAS GRAZAS, BELÉN!!!

lunes, 14 de octubre de 2013

CELEBRAMOS O CUMPLEAÑOS DE SILVIA!

Hoxe, 14 de outubro, estivemos de festa! Celebramos o aniversario de SILVIA, que cumpliu 5 anos! Que sorte tivemos de ter dous cumples en menos dunha semana! Trouxo caramelos para tod@s e pasámolo pipa cantando e disfrutando deste gran día con ela! 
MOITOS PARABÉNS, SILVI!

sábado, 12 de octubre de 2013

MÁIS INFORMACIÓN SOBRE FRIDA!

Seguimos recibindo moitos recursos de arte e informacións por partes das familias. 
MOITÍSIMAS GRAZAS POLAS VOSAS APORTACIÓNS!!


ZAMBA COÑECE A FRIDA KAHLO

Debuxos animados sobre FRIDA KAHLO para os nen@s. 
ZAMBA VISITA O MUSEO DE BELLAS ARTES:

TÉCNICAS PLÁSTICAS: A ESTAMPACIÓN

Esta semana exercitamos a técnica plástica da ESTAMPACIÓN. Para estampar pódense utilizar todo tipo de materiais, pero nós escollimos as VERDURAS: PEMENTOS, PORROS, PEPINOS, CENORIAS E PATACAS. Cortámolas e anacos, mollámolas en témpera e a disfrutar!!
 
ESTAMPACION from CADERNO DE PEQUECHOS on Vimeo.

viernes, 11 de octubre de 2013

FRIDA KAHLO: PINTORA MEXICANA


"Pinto Autorretratos porque estoy gran parte de mi tiempo sola, porque soy la persona a quien mejor conozco"

FRIDA KAHLO é a primeira das mulleres artistas que imos a traballar. Unha pintora mexicana que representou un icono da cultura do seu país e do seu pobo. Estou segura que para os nenos/as vai a ser moi motivador coñecer a súa obra, na súa maioría autorretratos que reflexan a súa historia persoal. Naceu en Coyoacán (México), tivo 3 irmás e viviu nunca casa azul. Desde pequena mostrou unha grande personalidade, a súa loita pola vida ao superar unha poliomielitis cando era nena e as secuelas que lle deixou un grave accidente de autobús cando ela tiña 18 anos marcaron o resto da súa vida. Postrada nunha cama durante varios meses, comezou a pintar acuarelas a través das cales expresaba o seu mundo interno, os seus sentimentos, emocións, e pensamentos máis profundos. Pintou sobre todo autorretratos (pintábase a sí mesma rodeada das cousas que eran importantes para ela e as que lle causaban dor).
Casouse cun famoso pintor de fermosos murais: DIEGO RIVERA que sempre a animou para que dera a coñecer o seu gran talento.
Foi unha muller loitadora e a primeira artista mexicana que logrou expoñer unha das súas obras no MUSEO DE LOUVRE.
"Pies para que os quiero si tengo alas para volar"

DOCUMENTAL SOBRE A SÚA VIDA:

FRIDA, EXTRAORDINARIA PINTORA:
A CASA DE FRIDA KAHLO - A CASA AZUL:


VISITA VIRTUAL Á CASA DE FRIDA (fai clic na imaxe)

miércoles, 9 de octubre de 2013

CELEBRAMOS O CUMPLE DE ÓSCAR!

Onte, día 8 de outubro, ÓSCAR cumpliu 5 anos!! Por suposto celebrámolo con moitas ganas, xa que foi o primeiro cumpleanos deste curso. Trouxo caramelos para tod@s e non se nos esqueceu darlle o tirón de orellas tradicional!! 
MOITOS PARABÉNS, ÓSCAR!

CONTACONTOS NA NOSA AULA: VISITA DE LUZ, A IRMÁ DE GISELA

Como xa sabedes, o ano pasado recibimos a visita duns contacontos moi especiais: as mamás e papás dos pequechos. Este ano xurdiu a posibilidade de que na hora de ler da que dispoñemos todos os días (de 20 minutos cada unha)acuda á nosa aula algunha irmá ou irman dos nen@s para contarlles un conto algúnha vez, co permiso do seu titor/a. Por suposto estades tod@s convidados a repetir a experiencia do ano pasado e incluso se algún irmán xa non estuda no noso cole pero quere vir, NÓS ENCANTADOS!!! A primeira en vir foi LUZ, a irmá de GISELA, que estuda 4º de primaria e tivo a amabilidade de contarnos o conto "DÍ POR FAVOR". Leuno xenial! Unha contacontos profesional!!! Impresionante!! Quedamos encantadísimos coa súa visita! 
 Quen se animará para a próxima vez?

domingo, 6 de octubre de 2013

DEGUSTACIÓN DE FROITOS DE OUTONO!

O venres tivemos FESTA DE OUTONO! Xuntamos as mesas, colocamos os manteis individuais e disfrutamos probando os froitos que trouxera Anxo! Ademais, fixemos zume de laranxa!!! Primeiro preparamos as pipas na tixola cunha pouca auga e sal, despois abrimos as noces para probalas e intentamos facer palomitas cunha "palomitera" que nos deixou Belén, a mamá de Anxo, pero non sabemos que puido pasar porque non nos saíron. Seguramente botamos pouco millo pero haberá que probar outro día... Iso sí, brindamos un montón, jeje
DEGUSTACIÓN FROITOS OUTONO from CADERNO DE PEQUECHOS on Vimeo.

sábado, 5 de octubre de 2013

ARÓN E DESI TAMÉN TROUXERON LIBROS DE ARTE!

Pero que sorte temos! Entre tod@s estamos contruíndo un recunchiño da ARTE moi xeitoso na nosa aula. Esta vez, foron ARÓN e DESIRÉE os que trouxeron varios libros de arte onde aparecen pinturas e esculturas que xa coñecemos coma a MONA LISA de LEONARDO DA VINCI, o PENSADOR de RODIN ou o GRITO de MUNCH! E moitas máis que seguiremos coñecendo!

MOITÍSIMAS GRAZAS POLAS APORTACIÓNS, FAMILIAS! 
 Son imprescindibles para seguir investigando!!!

DANI TROUXO ACUARELAS!

Onte DANIEL trouxo unhas acuarelas pintadas pola súa mamá!! MENUDA ARTISTA! Unhas obras fermosísimas que nos encantaron a todos! Aquí tedes as fotos do momento en que as ensinou na clase e nos explicou o significado de cada pintura: ata estaba carapuchiña vermella agochada detrás dunha árbore nunha delas! Nós tamén imos a pintar con acuarelas! A experimentar!! MIL GRAZAS POR ESTA ACHEGA Á MAMÁ DE DANIEL. SON UNHA CHULADA!

COÑECEMOS A ALBERTO ROMER!

O noso compañeiro Anxo tróuxonos información dun ESCULTOR de Tui marabilloso que ademais é o tío do seu papá. Trátase de ALBERTO ROMER. Esta semana viu á clase cun artigo do xornal que falaba dunha "MUIÑEIRA" moi fermosa que esculpiu en pedra no alto do mirador do TRIPES! Tamén trouxo un libro sobre a súa obra: "DENDE O MONTE ALOIA". Que sorte ter artistas tan bos na nosa contorna!

GRACIÑAS Á FAMILIA DE ANXO POR ACHEGÁRNOLO!


ANXO TROUXO FROITOS DE OUTONO PARA TOD@S!

Esta semana, ANXO apareceu cunha gran cesta cheíña de FROITOS DE OUTONO: CASTAÑAS, ABELÁS, PIPAS, MILLO, CABAZAS...Unha morea de froitos!! Ensinoulla aos compañeir@s e entre tod@s decidimos probar as castañas asándoas no forno que temos na clase. Mentres se facían as castañas e aproveitando que non chovía, saímos a recoller follas e piñas para facer un mural nos vindeiros días e ata xogamos ao xogo "CASTANIÑA POR DETRÁS, TRIS TRAS". Despois, puxémonos as botas coas castañas e xa tocou o timbre para marchar para casa! 
MOITÍSIMAS GRAZAS ANXO!!
 
FROITOS OUTONO from CADERNO DE PEQUECHOS on Vimeo.

jueves, 3 de octubre de 2013

A PEPPA PIG GÚSTALLE PINTAR!

PEPPA PIG PINTANDO UN CADRO: PEPPA PIG NO MUSEO:

MONA LISA NO MUSEO DE LOUVRE

Esta semana comezamos a falar de PINTURA dentro do noso proxecto sobre a ARTE. Entre todos valoramos que clase de útiles precisaría un pintor ou pintora para facer unha obra e tamén falamos de tres tipos de cadros a coñecer: O RETRATO, o BODEGÓN e a PAISAXE. Fomos á aula de audiovisuais para buscar información na internet. Buscando sobre o RETRATO apareceu curiosamente o famoso cadro da GIOCONDA de LEONARDO DA VINCI. Enseguida a recoñeceron!! É a MONA LISA!!! -dixeron. Eu quedei pasmada! Pero contáronme que o sabían polos debuxos de "AGALLAS, EL PERRO COBARDE". En definitiva, que buscamos o video do capítulo no que fala da Monalisa e grazas a el puidemos coñecer ademais outros cadros famosos (coma o dos reloxos de DALI) e incluso esculturas como a do "PENSADOR", todos eles expostos no museo parisino de LOUVRE. Estes nen@s nunca deixaran de sorprenderme!

domingo, 29 de septiembre de 2013

ANXO TROUXO UNHA ESCULTURA!



Como esta semana comezamos a falar de ARTE e das disciplinas que engloba, entre elas, a ESCULTURA, un neno da nosa clase, ANXO, quixo ensinarnos unha escultura feita por un amigo da súa familia. Espectacular! Talada en madeira,e que sirve para cascar os froitos secos. Para comprobalo, ademais, trouxo abelás para tod@s e puxémonos as botas!
 Preciosa escultura, ANXO! MIL GRAZAS!


sábado, 28 de septiembre de 2013

PINTAMOS COAS MANS UNHA PAISAXE DE OUTONO

Seguimos a experimentar coa pintura e, o xoves, fixemos unha paixase de outono mollando as mans en témpera. Escollimos 4 cores cálidos típicos do outono: amarelo, marrón, laranxa e rojo e traballando cooperativamente coa estrutura do FOLIO XIRATORIO, cada equipo realizou a súa paisaxe. Cada membro do equipo encargábase dunha parte do debuxo utilizando as mans e os dedos (facer o fondo, o sol, o tronco da árbore, as polas, as follas) ata que, entre todos, o terminaron. Así de chulos quedaron e agora ímolos plastificar para decorar as fiestras da nosa aula.